محمد رشاد يؤكد خبر انفصاله ومي حلمي غاضبة : الأمر لا يعنيكم
محمد رشاد يؤكد خبر انفصاله ومي حلمي غاضبة : الأمر لا يعنيكم :
ترددت في الساعات الماضية خبر انفصال المغني محمد رشاد والإعلامية مَي حلمي سراً ،و أكد خبر طلاقهما مدير أعمال المغني محمد رشاد في لقاء صحفي دون الخوض في أية تفاصيل ، مما استدعى المطرب محمد رشاد بنفسه لتأكيد خبر انفصاله عن مي حلمي في بوست نشره عبر حسابه على فيسبوك ، قائلاً: « ناس كتير من اصدقائي كلموني بعد ما عرفوا خبر انفصالي عشان كده أنا عايز أقول كل شيء في الأول والآخر نصيب وربنا يوفق الجميع » .
هذا الأمر قابلته مي حلمي بالفيديوهات التي تستنكر فيها التدخل في حياتها الخاصة من نشطاء مواقع التواصل والتعليقات التي جاءتها على خبر انفصالها عن رشاد ، حيث استدعى ذلك ظهورها في فيديوهات لايف عبر خاصية «استوري انستقرام» من وصفتهم بالمتطفلين ، ومن أرسلوا لها رسائل بشأن الأنباء عن انفصالها عن محمد رشاد ، رغم عدم وجود سابق معرفة بينهم.
مي حلمي ترد على المتابعين بفيديو
-
-
وجاء ما قالته مي حلمي في فيديوهاتها على «انستقرام» ، قائلة: «يعني وبعدين أنتم ميتقالكوش غير كلمة وبعدين بكل القرف اللي في الدنيا ، الواحد يتجوز، يتطلق أنتوا مالكم أنتوا حاشرين نفسكم في حياتي أكتر مني يعني » ، وأضافت : «مصر كلها تبعت اللي عمري مشوفتهم في حياتي بيكتبوا كومنتات ، ويسألوا بكل تطفل ، وأنتم مالكم كل إشاعة وكل كلام نيلة بيتكتب بتقولوا نفس الكلام وتزودوا عليه ، واللي زاد وغطا يقولوا أصل هي بتتبرع بفستان فرحها وبوست بقاله أسبوع ، عشان الذكريات تتمحي ، أنتم مالكم؟».
وتابعت : « أنتوا حلكم إن حياتي متبانش ليكم وده القرار الصح ، عشان التطفل ده وعزة جلال الله كل سكرينشوت هاخدها وأي قلة أدب بتتكتب هاخدها ، فيه حاجة اسمها قضايا تشهير بشخصية عامة » ، وصرخت قائلة: « واللي يقول أصلها مش أصيلة وموقفتش جانبه وخايفة على بيتها ، وشرحنا أربعين ألف مرة ومش مضطرة أشرحه تاني ، مش مضطرة أقول حاجة مش عايزة أقولها ، المرة دي مش هسكت لو ليا مزاج أقول حاجة هقولها ماليش ما هقولها ، لما يجيلي الوقت بمزاجي أعرف حد عني أي حاجه ، أنتوا مهتمين تعرفوا حياتنا أكتر مننا ».
وأشارت حلمي : «والتعليقات بتاعه كل شوي قرفتونا بقى ، طب بتسألوا ليه أنا عاملة الفيديو ده عشان أنتم مهتمين تعرفوا كل التفاصيل أكتر مني أنا شخصيا أقولكم زودوا عدد المتابعين واللايكات ». ووضحت : « الناس اللي بتابعني اللي عرفاهم أشكركم أنكم مبعتوش تسألوا عن اي حاجة ، لكن الناس اللي عاملة محامين وإني ست مش أصيلة ، أمال طلعت أعيط ليه لو أنا مش أصيله ، حكمت كده ورددت الكلام زي القطيع ، آخركم متفرجون ليس إلا ».
وتابعت وقالت: «هفضل أقولها اللي عايز يتطمن عليا على عيني وعلى راسي ، أنا بتكلم عن اللي بيكتبوا وبيزيدوا ، عبيد الشهره ، طبيعي أسأل قلة الأدب اللي بتتكتب دي بناء على إيه عايزين تركبوا تريند على أي حاجة مش هتكلم عن القضيه حاجة مش بتاعتي ماليش حق أتكلم فيها ، وكان قراري صح إني أنا أخفي حياتي ، وقرار رشاد صح ، وأنا حره مش هقول والله مش هريحكم بقول للناس العاقله اللي بتابعني شكرا إنكم متدخلتوش ».
وتابعت : « عارفة إنكم هتمسكوا الكلام اللي على مزاجكم وبتسيبوا الباقي ، مش بتفرحوا غير في المصايب ، مش عايزين غير اخبار الفضايح ، هتاخدوا الكلام اللي عايزينه ، واللي مش لاقين حد يربيهم في البيت وتلاقيها مقهوره نفسيا وتكتب إني موقفتش جنبه في أزمته الماليه ، بتكلمي في إيه يا روح القلب، ده بيدل على البيت اللي أنتي طالعة منه ، لو أبوكي وأمك يعرفوا إنو ممكن أعملك قضية تشهير مش هيمسكوكي الموبايل أصلا ».
وبعد إنهاء حلمي حديثها في اللايف نشرت تعليقا في نفس الأمر، وكتبت رساله «استوري انستقرام»، جاء فيها : “آه المرة دي خدت سكرين شوت عشان أفضح أصحابهم مدعين المثاليه والشرف ، أصحاب إزاي وليه وأنتي ست أصيله ولا تقليد ، موقفتيش وقعدتي ومين عمل ايه واللي عاملين فيها قضاه على البشرية وأنتي منك ليها بتهبدي ، عبيد لايكات ركوب الترند وأنتوا آخركم تشيرو تاني منك ليها خبر متشير وتحطوا التاتش بتاعتكم . وأرجع وأقول كلكم متفرجون ليس إلا، أنا سبتكم مرة تاخدوا راحتكم مش هسيبكم التانيه ».
الجدير بالذكرفي القصة أنّ محمد رشاد ومَيّ حلمي تَزوجا منذ عام ، حيث صحب زواجهما إشاعات الانفصال في ليلة العرس ، ثم عادا بعد شهرين وأقاما حفل زفاف آخر بحضور أصدقائهما ، كما أن مطلع العام الحالي شهد العديد من المواقف الصعبه لمي حلمي ومحمد رشاد ، حيث فقدا مع بدايته طفلهما الأول بعدما تعرضت مي لوعكة صحية طارئة تسبّبت في إجهاض الجنين ، وتمّ نقلها على الفور إلى المستشفى وكان وضعها تحت الملاحظه ، ونشر محمد رشاد صورة له مع زوجته مي حلمي وقال : «ربنا يعوضنا خير وطول ما انتي كويسه اللي راحوا يجي غيرهم ذرية صالحة بإذن الله قدر الله وما شاء فعل والحمد لله على جميع أمره ، ربنا يشفيكي وتقومي بالسلامه » .
كما زادت الأزمة في زواجهما بإعلان مي حلمي أنّ زوجها رشاد يمر بأزمة مالية قد تنتهي بالحجز على منزلهما وبيع أثاث البيت بالمزاد العلني .
